Lungsod sa Alegria nakadawat ug daghang mga proyekto

Ni Mary Jul Escalante

SURIGAO CITY, Surigao del Norte, Mar. 17 (PIA) – Ubay-ubay nga mga proyekto ang giturn-over ug gibendisyunan didto  sa Lungsod sa Alegria kagahapon nga adlaw, Marso 16, 2016.

Unang gibendisyunan ni Rev. Fr. Edito Alcala ang bag-ong Early Childhood Care and Development Center (ECCD) nagkantidad ug P3 milyones ug dayon ang Disaster and Rescue Equipment.

Ang Early Childhood Care & Development Center (ECCD) sa Alegria, Surigao del Norte

Ang maong okasyon gitambungan ni Gobernador Sol F. Matugas uban nila Board Member Melva Garcia, mga opisyales sa barangay ug lungsod nga gipanguluhan ni Mayor Dominador Esma ug uban pang mga bisita.

Pagkahuman sa blessing gipahigayon ang programa diin ubay ubay ang mga proyekto ang gitunol atol sa maong okasyon sama sa Flood Control Facilities para sa Brgy. Alipao, Evacuation Center sa Brgy. Anahaw, Drainage Canal ug Expansion sa Level II Water System para sa Brgy. Budlingin ug sa Brgy. Camp Eduard.

Samtang usa ka Evacuation Center ang nadawat sa Brgy. Julio Ouano, 400 LM Concrete Pathway sa Brgy. Ferlda, Improvement of Brgy. Hall sa Brgy. Gamuton, Drainage Canal ug Repair and Improvement of Brgy. Health Station sa Brgy. Ombong, Drainage Canal sa Brgy. Poblacion, Evacuation Center sa Brgy. Pongtud, Repair and Improvement of Brgy. Hall sa Brgy. San Juan ug Evacuation Center sa Brgy. San Pedro. (PGO-PIC)